14:57 15 ноября 2013 г.
Ноябрĕн 18–22-мĕшĕсенче республикăра «Эсĕ професси суйлатăн» акци иртет. Ун
йĕркипе хуласемпе районсенче тĕрлĕ професси çыннисем вĕренекенсемпе тĕл пулĕç,
предприятисемпе организацисенче экскурсисем, шкулсенче класс сехечĕсем,
сочиненисен конкурсĕсем тата ытти мероприяти ирттерме палăртнă.
Волонтерсем халăха ĕçпе тивĕçтерекен центр специалисчĕсемпе пĕрле шкул
ачисене профессисемпе паллаштарĕç, пулас специальноçе тĕрĕс суйласа илме
пулăшĕç.
Волонтерсен йышĕнче – учительсем, библиотекарьсем, квалификациллĕ рабочисем,
ял хуçалăх тата промышленноç предприятийĕсен, строительство организацийĕсен
ветеранĕсем, студентсемпе вĕрентекенсем.
Акци йĕркелÿçи – Чăваш енри халăха ĕçпе тивĕçтерекен патшалăх служби.
И.СЕРГЕЕВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии