10:28 11 ноября 2013 г.
Юн кун Чăваш Республикин çут çанталăк ресурсĕсен тата экологи министрĕн
пĕрремĕш заместителĕ Евгений Юшин, шыв хуçалăхĕн пайĕн тĕп специалист-эксперчĕ
Александр Ефремов тата район администрацийĕн строительствăпа ЖКХ пайĕн пуçлăхĕ
Вячеслав Ильин Вăрманкасра Вăтам Çавал çинчи плотинари тĕплĕ юсав ĕçĕсемпе
паллашнă.
Уçă аукцион йĕркипе плотинана юасассипе «ЛегионСтройГрупп» тулли мар яваплă
общество ĕçлет. Ку тĕллевпе мĕнпур шайри бюджетран 9,1 миллион тенкĕ уйăрнă. Шыв
управĕ – иртнĕ ĕмĕрти 70-мĕш çулсенчех тунăскер, ун хысакне шыв хытах çисе
кайнă.
Подрядчиксем ĕçе пуçăннă, халĕ вĕсем плотина шахтин кивĕ конструкцине
пăсаççĕ, шыва юхтарса янă. Вăрманкас ял поселенийĕн пуçлăхĕ Владимир Павлов
пĕлтернĕ тăрăх, ял çыннисене плотина пурнăçри чылай ыйтăва татса парать: кунтан
вĕсем шыв илсе тăраççĕ, выльăх-чĕрлĕхе шăвараççĕ, пушартан сыхланаççĕ, каçса
çÿреççĕ тата ыт.те.
Л.ИВАНОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии