09:24 11 ноября 2013 г.
Йĕрке хуралçисен ĕç-хĕлне чи лайăх çутатассипе çыхăннă конкурса Шалти ĕçсен
Чăваш Республикинчи министерстви кăçал вун пиллĕкмĕш хут ирттерчĕ. Çак ырă
йăлана кĕнĕ конкурса хульхинче те республикăри тата районсенчи массăллă
информаци хатĕрĕсен уйрăм журналисчĕсем, редакцийĕсем чылаййăн хăйсен
материалĕсене тăратнă. Творчество ăмăртăвне Шалти ĕçсен органĕсен ĕçченĕн кунĕ
тĕлне пĕтĕмлетнĕ, çĕнтерÿçĕсене министерствăна пухса саламланă.
Министерство подразделенийĕсен ертÿçисенчен, Обществăлла канашра
тăракансенчен йĕркеленĕ жюри Вăрнар район хаçатĕнче полици сотрудникĕсен
ĕç-хĕлне уççăн та туллин кăтартнине, преступленисене асăрхаттарма курăмлă тÿпе
хывнине пысăка хурса хакланă. «Çĕнтерÿ çулĕ» хаçат шалти ĕçсен органĕсен ĕçне чи
лайăх çутатакан массăллă информаци хатĕрĕсен йышне кĕнĕ. Конкурс лауреатне –
хаçатăн экономикăпа право пурнăçĕн пайĕн редакторне Ирина Яковлевăна – Шалти
ĕçсен республикăри министрĕ Сергей Семенов полици генерал-майорĕ çĕнтерÿпе
саламласа дипломпа тата хаклă парнепе чысланă.
Хамăр инф.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии