10:13 06 ноября 2013 г.
Эрне кун Правительство çуртĕнче Чăваш Республикин Министрсен Кабинечĕн
председателĕ Иван Моторин ертсе пынипе Олимп çулăмĕн «Сочи-2014» эстафетине
Шупашкарта кĕтсе илессипе черетлĕ лару иртнĕ.
Кун йĕркине медицина пулăшăвĕн ыйтăвĕсене, хăрушсăрлăх мерисемпе
тивĕçтерессине, мероприятисене çутатассине тата хулана илемлетессине кĕртнĕ.
Оргкомитет эстафетăна республика территорийĕнче йышăнни историлле пулăм
пулнине палăртнă. Олимп юхăмĕн историйĕнче Олимп çулăмĕ Чăваш енре пĕрремĕш хут
пулать. Шупашкара вăл декабрьте çитет. Хула урамĕсем тăрăх ăна 160 факелоносец
йăтса чупĕ. Трасса вăрăмăшĕ – 30 километра яхăн. Çулăма йăтакансем – тĕрлĕ
професси тата тĕрлĕ ÿсĕмри çынсем: спортсменсем, общество деятелĕсем, искусство
çыннисем, педагогсем, врачсем, тренерсем, çамрăксем, пенсионерсем. Олимп çулăмне
пултарулăх коллективĕсен юрри-ташшипе кĕтсе илĕç.
Шупашкар Олимп çулăмĕн эстафети иртекен 2900 хуларан пĕри. Вăл октябрĕн
7-мĕшĕнче Мускавра старт илнĕ, 123 куна тăсăлать, Олимпиадăна уçнă кун Сочире
финиша тухать.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии