09:50 23 октября 2013 г.
Республикăра пуçласа аслă ăрури çынсем хушшинче Чăваш ен первенстви иртнĕ. 55 çултан аслă хĕрарăмсем тата 60-тан аслăрах арçынсем Çĕнĕ Шупашкарти 3-мĕш ача-пăча спорт шкулĕнче сĕтел çи теннис, шашка-шахмат, ишесси, çăмăл атлетика тата дартс енĕпе тупăшнă.
Вăрнар район команди те унта хастар хутшăннă. Çăмăл атлетика эстафетинче Вăрнарти Александр Созонов тата Елена Матвеева, Кайри Тукайри Иван Николаев, Ярмушкари Михаил Илларионов тата Нина Кудрявцева виççĕмĕш вырăн йышăннă. Валерий Наумов (Вăрнар) шашкăлла тăваттăмĕш, Малти Ишекри Виссарион Афанасьев шахматла тăваттăмĕш пулнă. Дартс енĕпе Валерий Александровран, Георгий Никишовран (Вăрнар) тата Михаил Илларионовран тăракан команда саккăрмĕш вырăнта.Ишессипе район чысне Александр Созонов, Вячеслав Никифоров тата Ирина Кривакова хÿтĕленĕ, сĕтел çи теннис енĕпе – Николай Есенцев, Наталья Старовойт тата Михаил Илларионов. Шел те, призлă вырăнсене лекеймен.
Пĕтĕмпе первенствăна 24 командăри 300-е яхăн çын хутшăннă.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии