09:08 07 октября 2013 г.
Кĕçĕн классем хушшинче иртнĕ Президент тупăшăвĕсене районти мĕнпур шкул команди хутшăннă. Вĕсем тăватă тĕсре ăмăртнă.
Пĕтĕмĕшле зачетра çĕнтерĕве Вăрманкасри пĕтĕмĕшле пĕлÿ паракан шкул ачисем ăнăçлă туптанă. Вырăнтан сикессипе, 30 метр тата эстафетăра вĕсем пĕрремĕш пулнă, 400 метра чупассипе виççĕмĕш вырăн йышăннă.
Вăрнарти 2-мĕш вăтам шкул команди кĕмĕл призер, Калининăри шкул команди бронза призер.
Уйрăмшар зачетра чупассипе çак ачасем палăрнă: 30 метрта Шĕнер Ишекри Диана Иванова тата Аçăмçырминчи Максим Лазарев чемпионсем пулса тăнă, Ярмушкари Кристина Павлова тата Мăн Явăшри Кирилл Фомин – иккĕмĕш, Вăрманкасри Кристина Марковапа Кристина Козлова тата Туçи Çармăсри Александр Курбатов виççĕмĕш вырăнсене йышăннă.
400 метрлă дистанцие Хапăсри Михаил Федотов тата Настя Тикинева пуринчен малтан вĕçленĕ. Калининăри Павел Никитинăн тата Туçи Çармăсри Лариса Курбатован – иккĕмĕш, Калининăри Владимир Урмаковăн тата Мăн Явăшри Екатерина Кошкинан виççĕмĕш результат.
С.ЧИКМЯКОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии