Новости » Вăрнарсен – виçĕ «кĕмĕл»

10:32 02 октября 2013 г.

Тĕмпек хĕрачи Наталья Дмитриева тата Мăн Турханти Надя Краснова октябрь вĕçĕнче кĕрешÿçĕсене асăнса ирттерекен Раççей первенствине хутшăнĕç. Ку чыса вĕсем сентябрĕн 26–30-мĕшĕсенче Ульяновск хулинче ирĕклĕ майпа кĕрешессипе иртнĕ Атăлçи федераци округĕн турнирĕнче çĕнсе илнĕ. Иккĕшĕ те кĕмĕл медальсене тивĕçнĕ.

Вăрнарти 2-мĕш шкулта вĕренекен Роман Львов та çĕнтерÿ пьедесталĕн иккĕмĕш пусми çине хăпарма тивĕçнĕ. 1-мĕш шкулта вĕренекен Антон Сантимер пиллĕкмĕш вырăн йышăннă.

Виталий Трофимовпа Юрий Львов тренерсен вĕренекенĕсем ку турнира пĕтĕмпе улттăн хутшăннă.

С.ЧИКМЯКОВА.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии