09:43 02 октября 2013 г.
Шăмат кун Шупашкарти «Николаевский» суту-илÿ комплексĕнче «Сĕт фестивалĕ-2013» иртнĕ. Кăçалхипе ăна иккĕмĕш хут йĕркеленĕ. Унта республикăри сĕт-çу туса кăларакан тăхăр предприяти хутшăннă. Вĕсем сĕт таварне сутнисĕр пуçне çынсене хăйсен продукцине тÿлевсĕрех тутанса пăхма та сĕннĕ.
Вăрнарти хăйминчен уйăрнă типĕтнĕ сĕт завочĕ фестивальте пысăк курав тăратнă. Тĕплĕ реконструкци хыççăн иртнĕ уйăхранпа кунта «Белоусовы» суту-илÿ маркипе сĕт-турăх-хăйма тата ытти сĕт продукцийĕсем кăларма тытăннă.
Фестиваль йĕркипе сĕтлĕ выльăх отрасльне аталантаракан, сĕт производствине ÿстерекен, ресурссене перекетлекен технологисене пурнăçа кĕртекен, харпăр-хăй хуçалăхне кăтартуллă тытса пыракан ял хуçалăх организацийĕсене чысланă. Сĕт туса кăларас ĕçре хальхи вăхăтри ресурса перекетлекен технологипе анлă усă курнăшăн «Вăрнарти аш-какай комбиначĕ» акционерсен уçă обществи Диплома тивĕçнĕ.
Л.ИВАНОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии