08:54 30 сентября 2013 г.
Ача-пăча ÿкерчĕкĕсен «Страна безопасности» Пĕтĕм Раççейри конкурса пултарулăх ĕçĕсене йышăнасси малалла пырать. Пултарулăх ăмăртăвне, аса илтеретпĕр, «Премьер – УчФильм» общество Раççей МЧС-ĕпе пĕрле ирттерет. Унта хутшăнма 6–17 çулхи ачасемпе çамрăксене йыхравлаççĕ.
Конкурса тăратакан ĕçсем вăрманта, шыв-шурта, транспорт çинче хăвна тĕрĕс тытмаллине, пушар хăрушсăрлăх правилисене сăнлама пултараççĕ. Вĕсене кăранташпа, фломастерпа, гуашьпе е пастельпе, çуллă сăрăсемпе, коллаж евĕр хатĕрлеме юрать.
Конкурса хутшăнас кăмăллисен хăйсен ĕçĕсене ача-пăча хăрушсăрлăхĕн «ОБЖейка» порталĕнче регистраци тухса галерейăна кăларса тăратмалла.
Заявкăсене ноябрĕн 15-мĕшĕччен йышăнаççĕ, кăтартусене декабрĕн 9-мĕшĕнче пĕтĕмлетеççĕ.
Информаципе тĕплĕнрех конкурсăн сайтĕнче паллашма пултаратăр.
Хамăр инф.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии