08:45 25 сентября 2013 г.
Сентябрь уйăхĕ – çăмăл атлетсемшĕн чи хĕрÿ тапхăрсенчен пĕри. Вăрнар спортсменĕсем те акă кашни эрнерех чупу трасси çине тухаççĕ.
Çамрăк чупуçăсем пресса спорчĕн фестивалĕнче района çĕнтерÿ парнеленĕччĕ, кĕçнерни кун вара Чăваш Республикин первенствипе чемпионатĕнче палăрчĕç.
Атăл леш енчи «Росинка» сывлăх центрĕнче иртнĕ ăмăртура харпăр хăй ÿсĕмĕнче Кÿстÿмĕрти Диана Политова 1 километрлă, Шĕнер Ишек каччи Семен Семенов 3 километрлă дистанцисенче иккĕмĕш пулнă. Çамрăксем иккĕшĕ те Шупашкарти олимп резервин училищинче вĕренеççĕ. Чăваш патшалăх ял хуçалăх академийĕн студенчĕ Сергей Политов 3000 метра чупса кĕмĕл медале тивĕçнĕ. Ку дистанцирех Аçăмçырми хĕрачи Татьяна Ефимова республика чемпионĕ пулса тăнă, Шĕнер Ишек хĕрачи Мальвина Михайлова виççĕмĕш вырăн йышăннă.
С.ЧИКМЯКОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии