08:44 25 сентября 2013 г.
Людмила Редькова ертсе пыракан Вăрнарти пенси службин коллективĕ пĕлтĕрхи ĕç кăтартăвĕсемпе республикăра пуринчен лайăххи пулса тăнă, пĕрремĕш вырăншăн диплома тивĕçнĕ.
Пенси фончĕн районсенчи управленийĕсен ĕç-хĕлне тĕрлĕ енпе хакланă. Тĕп виçесем: обязательнăй пенси страхлавне тÿлевсем вăхăтра килсе тăни тата малтанхи парăмсене шыраса илесси, пенсисене вăхăтра шутласа пани, çавăн пекех амăшĕн капиталĕ енĕпе тата пенсин патшалăх софинансированийĕн патшалăх программисем районта мĕнле пурнăçланни; электронлă документсен çаврăнăшне тата ытти çĕнĕлĕхсене хăвăрт ĕçе кĕртни; пилотлă проектсене хутшăнни, граждансен ыйтăвĕсене вăхăтра тата тĕрĕс пăхса тухни тата ытти те.
Пенси фончĕн республикăри уйрăмĕн ертÿçи Роза Кондратьева Вăрнар районĕнчи управлени коллективне профессионаллă тата пысăк пахалăхлă ĕçшĕн тав туса савăнăçлă лару-тăрура дипломпа чысланă.
И.ЯКОВЛЕВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии