09:33 23 сентября 2013 г.
Йĕпреçре поселок кунне – хальхинче унăн 120 çулхи юбилейне уявланă. Унта, çулленхиллех, ятлă-сумлă хастар çынсене чаплăн чысланă. Çав шутра пирĕн ентешĕмĕр, Çĕн Сăрьелте çуралса ÿснĕ Серафим Ефимович Ефимов та пур. Вăл 22 çул Йĕпреç районĕнчи «Çĕнтерÿшĕн» хаçатăн тĕп редакторĕ пулчĕ. «Ветеран паян та алă усса лармасть, – тенĕ «Çĕнтерÿшĕн» (çурла уйăхĕн 7-мĕшĕ, 65 "), – килти хушма хуçалăха çирĕп тытать. Пушă вăхăтра истори докуменчĕсем пухать, паллă çынсем çинчен статьясем çырать. Нумаях пулмасть хăйĕн проза тата поэзи хайлавĕсене пухса уйрăм кĕнеке кăларчĕ». Хаçат ĕçне С.Ефимовпа пĕрле эпир Вăрнарта тытăннă (60-мĕш çулсем). Иксĕмĕр те – СССР пичечĕн отличникĕсем. Иксĕмĕр те – С.В. Элкер ячĕпе хисепленекен преми лауреачĕсем. Союза пĕр вăхăтра кĕнĕ. Ентешĕмĕр сатур журналист, хĕрĕх çуллă стажпа ĕçлерĕ, Йĕпреçпе Вăрнар редакцийĕсен ялан кĕтнĕ хăни вăл.
Йĕпреç хаçачĕн редакцийĕ тата районпа поселок администрацийĕсем Серафим Ефимовича çĕртме уйăхĕнче 75 çулхи юбилейĕ ячĕпе тулăх кĕрекене чĕнсе саламланă.
М.ВАСИЛЬЕВ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии