09:03 23 сентября 2013 г.
Пăваяль хĕрачи Настя Иванова ентешсен шанăçне тÿрре кăларчĕ – юн кун Казахстанра иртнĕ Еврази турнирĕнче вăл иккĕмĕш вырăн йышăннă.
Кун çинчен пултаруллă кĕрешÿçĕ хăйĕн пĕрремĕш тренерне Юрий Львова шăнкăравласа пĕлтернĕ.
Юрий Григорьевич çак хĕрачан спортри малашлăхне малтанах палăртатчĕ. Тĕллевлĕ, çирĕп характерлăскер, ялтан эрнере темиçе хутчен тренировкăсене çÿренĕ. Паллах, хавхалантарăвĕ те пулнă: куллен ăсталăха туптани турнирсенче çĕнтерме май панă. Кĕске вăхăтрах Настя республикăра çине-çинех çĕнтерсе ун пĕрлештернĕ команди йышне кĕме пултарчĕ, каярахпа – Раççей команди йышне те.
Çакна та каламалла: Настьăна Еврази турнирне хутшăнма Мускавра спорт федерацийĕ 90 пин тенкĕлĕх тумлантарнă, спорт хатĕрĕсемпе тивĕçтернĕ. Çакă ял ачишĕн уйрăмах пĕлтерĕшлĕ. Ытти çамрăксен те унран тĕслĕх илмелли пур – çĕнтерÿ патне туртăнакан хавхалантарăва тивĕçетех.
С.ЧИКМЯКОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии