08:55 23 сентября 2013 г.
Пуçаруллăрах пуласчĕ
Район территорийĕнче паянхи куна никам та усă курман 9366 çĕр пайĕ тупса палăртнă. Лаптăкĕ 16,4 пин гектарпа е районти пĕтĕм çĕр пайĕсен 51,9 проценчĕпе танлашать.
Чылай ял поселенийĕсен пуçлăхĕсем никам та усă курман çĕр пайĕсене муниципаллă харпăрлăха кĕртессипе кирлĕ пек тимлемеççĕ. Акă, Хирпуç ял поселенийĕнче (пуçлăхĕ В.Терентьев) тата 998 çĕр пайĕ е 85,5 процент, Шĕнер Ишек ял поселенийĕнче (В.Романов) – 554 çĕр пайĕ е 82 процент, Вăрманкас ял поселенийĕнче (В.Павлов) – 661 çĕр пайĕ е 77 процент, Калинино ял поселенийĕнче (Л.Иванова) – 1043 çĕр пайĕ е 69 процент, Упнер ял поселенийĕнче (И.Афанасьев) – 556 çĕр пайĕ е 64,8 процент, Мăн Явăш ял поселенийĕнче (А.Васильев) – 576 çĕр пайĕ е 62,3 процент, Уйкас Кипек ял поселенийĕнче (А.Петров) – 846 çĕр пайĕ е 59,8 процент, Ярмушка ял поселенийĕнче (А.Петров) – 742 çĕр пайĕ е 51,6 процент, Малти Ишек ял поселенийĕнче (В.Семенов) – 467 çĕр пайĕ е 51 процент кĕртмелле.
Кăçалхи сентябрĕн 1-мĕшĕ тĕлне акă суд йышăнăвĕпе никам та усă курман 251 çĕр пайне кăна (пурĕ 433,05 гектар) ял поселенийĕсен муниципаллă харпăрлăхне кĕртнĕ. Ку никам та усă курман çĕр пайĕсен пĕтĕм лаптăкĕн 1 проценчĕ кăна. Хăшпĕр ял поселенийĕсем çавăн пек çĕр пайĕсем тĕлĕшпе ыйтăва пăхса тухма суд органĕсене халĕ те тивĕçлĕ документсем тăратман. Вĕсен шутĕнче çак ял поселенийĕсем: Аçăмçырми (пуçлăхĕ О.Петров), Малти Ишек (В.Семенов), Мăн Турхан (О.Григорьев), Мăн Явăш (А.Васильев), Пăртас (Г.Петров), Кольцовка (Е.Нараткин), Çавалкас (П.Краснов), Хирпуç (В.Терентьев), Шĕнер Ишек (В.Романов), Çĕрпел (И.Шашкова).
Ял хуçалăхĕнче усă курмалли çĕрсен çаврăнăшĕ çинчен федераллă саккуна пурнăçлас тĕлĕшпе район администрацийĕ ял поселенийĕсен пуçлăхĕсене никам та усă курман çĕр пайĕсене муниципаллă харпăрлăха кĕртессипе пуçаруллăрах ĕçлеме сĕнет.
В.Горбунов,
район администраци
пуçлăхĕн пĕрремĕш заместителĕ –
ял хуçалăх тата экологи пайĕн пуçлăхĕ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии