08:44 16 сентября 2013 г.
Чысланă
Чăваш Республикин физкультурăпа спорт министерствинче Раççейри вĕренекенсен çуллахи VI спартакиадин çĕнтерÿçисемпе призерĕсене чысланă.
Спартакиада тăватă тапхăрпа иртнĕ. 80 регионти вĕренекенсем муниципалитетсенче, регионта тата округра çĕнтерсе Раççей шайне тухма тивĕçнĕ. Республикăран финала 48 спортсмен хутшăннă. Вăл шутра пирĕн район хĕрĕ – Пăваялĕнчи Анастасия Иванова та.
Аса илтерме, ирĕклĕ майпа кĕрешессипе вăл хăйĕн виçе категорийĕнче бронза медале тивĕçнĕ. Маларах Настя хамăр районта Юрий Григорьевич Львов патĕнче кĕрешÿ ăсталăхне хăнăхнă. Халĕ Шупашкарти олимп резервисен училищинче вĕренет, тренерĕ – Денис Георгиевич Егоров.
Чăваш спортсменĕсем министерствăн Тав хучĕсене тивĕçнĕ.
Виçĕм кун Настя Казахстана Еврази турнирне тухса кайнă.
С.СВЕТЛОВА.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии