Новости » Юбилей ячĕпе

09:06 11 сентября 2013 г.

Инвалидсен пĕтĕм Раççейри обществи йĕркеленнĕренпе 25 çул çитнине паллă тунă май, сусăр çынсен прависемпе интересĕсене хÿтĕлессипе тимлесе ĕçлекенсене, вĕсен пурнăçне лайăхлатма тата çивĕч ыйтăвĕсене татса пама хастар хутшăнакансене тĕрлĕрен наградăпа чысласа палăртнă. Вĕсем хушшинче хамăр районта пурăнакансем, ĕçлекенсем те пур. Инвалидсен районти организацийĕн председателĕ Елена Сергеева ЧР Сывлăх сыхлавĕпе социаллă аталану министерствин Хисеп грамотине тивĕçнĕ. Инвалидсене обществăра хăйсен вырăнне тупма пур енлĕ пулăшнăшăн, вĕсене хÿтĕлеме пысăк тÿпе хывнăшăн «Вурнарская» МСО общество директорне Иван Сандомирова тата «Август» фирма филиалĕн директорне Владимир Свешникова инвалидсен Пĕтĕм Раççейри обществин Тĕп правленийĕн Хисеп грамотипе тата Тав çырăвĕпе чысланă. Инвалидсен республикăри организацийĕн Хисеп грамотипе вара «Халăха социаллă тивĕçтерÿсем паракан Вăрнарти центр» учреждени директорĕн Людмила Николаеван тата халăха социаллă хÿтлĕхпе тивĕçтерекен пай пуçлăхĕн Ирина Смолинан сумлă ĕçĕсене хакланă.

И.ПЕТРОВА.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии