08:45 11 сентября 2013 г.
Иртнĕ эрне кун Хусан хули 2014 çулхи тĕнче чемпионатне хутшăнма ирĕк çĕнсе илессипе ирттернĕ матча йышăннă. Пуçласа Мускав тата Санкт-Петербург тулашĕнче иртнĕ вăййа Чăваш ен çыннисем те курма пултарнă.
Чăваш ен спорт министерстви йĕркеленипе Тутарстанăн тĕп хулине Раççейĕн пĕрлештернĕ командишĕн «чирлеме» 400 ытла футбол тусĕ тухса кайнă.
Историлле матчран вăрнарсем те юлман. «Химик» спорт клубĕ йĕркеленипе 30 ытла çын Раççей команди «Люксембурга» 4:1 шутпа çĕнтернине Хусанти Тĕп стадионта пăхса киленнĕ. Уйрăмах çак спорт çул çÿревĕ çамрăк футболистсемшĕн – республикăра, халĕ ун тулашĕнче те ăнăçлă вылякансемшĕн – парне вырăнне пулнă.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии