09:17 02 сентября 2013 г.
Конкурс
лауреачĕсем
Поселокри «Рябинка» ача сачĕн воспитанникĕсем Наташа Павлова тата Лена Садовникова Пĕтĕм Раççейри «Мир вокруг меня» тата «Самый красивый дом в моем городе (районе, поселке, селе, деревне)» творчество конкурсĕсен çĕнтерÿçисем пулса тăнă. Ăна çуллахи вăхăтра Шупашкарти экспертпа методика центрĕ ирттернĕ.
Вĕсене дипломсемпе, ачасен воспитательне Инна Ивановна Старовойта тав çырăвĕпе чысланă.
Роман Шабалин та Пĕтĕм Раççейри конкурсра 3-мĕш степеньлĕ диплома тивĕçнĕ. Вăл июньте Ярославль хулинчи профессионаллă инновацисен центрĕ йĕркеленĕ «Семейный портрет» конкурсăн «Творчество о семье» номинацийĕнче палăрнă. Роман унта хăйĕн воспитателĕпе Елена Федоровна Кудряшовапа пĕрле ÿкерчĕксемпе тата калавсемпе пуянлатса хатĕрленĕ кĕнеке-раскладушка тăратнă.
Н.КОЗЛОВА,
аслă воспитатель.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии