10:03 21 августа 2013 г.
Вăрнар район администрацийĕ тата «Алза» тулли мар яваплă общество Калинино салинче тăлăх ачасем валли тунă тăватă хваттере йышăнса акта алă пуснă. Район администрацийĕн пуçлăхĕн пĕрремĕш заместителĕнчен Вячеслав Горбуновран, строительствăпа ЖКХ пайĕн пуçлăхĕнчен Вячеслав Ильинран, сектор заведующинчен Анатолий Ивановран, опекăпа попечительство органĕн ертÿçинчен Римма Федороваран тата Калинино ял поселенийĕн пуçлăхĕнчен Людмила Ивановаран тăракан комисси хваттерсене тимлĕн пăхса тухнă, подрядчикăн ĕçне пĕтĕмĕшле лайăх хак панă, хăш-пĕр çитменлĕхсене кĕске вăхăтра пĕтерме ыйтнă.
Иртнĕ çул реконструкциленĕ нумай хваттерлĕ çак çуртра тăватă тăлăха çĕнĕ хваттер тата нумай ачаллă пĕр çемьене пилĕк пÿлĕмлĕ хваттер туянса панă. Çывăх вăхăтра вара тата тăватă тăлăх харпăр хăй кĕтесĕллĕ пулĕç.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии