09:36 19 августа 2013 г.
Парашют спорчĕпе Тĕнче кубокĕ тата Европа чемпионачĕ иртекен вырăнта «Ростелеком» тивĕçтернипе кунĕн-çĕрĕн Интернет ĕçлĕ.
Çыхăнăва йĕркелес ĕç пуçланнă ĕнтĕ. Шупашкарти А.В.Ляпидевский ячĕллĕ аэроклуба çити сÿслĕ оптика кабельне туртса çитернĕ. Канал хăвăртлăхĕ çеккунтра 1 Гбитпа танлашĕ, çакă уйрăмах журналистсемшĕн меллĕ, тÿрĕ эфира çăмăллăн тухма май пулĕ. Çавăн пекех темиçе çĕрте Wi-Fi тивĕçтерĕвĕн точкисене йĕркелĕç.
Аса илтерме, Чăваш ен кăçал пĕрремĕш хут пĕтĕм тĕнчери парашют спорчĕн ăмăртăвне йышăнать. Акробатика тата тĕл анса ларас енĕпе Тĕнче кубокĕ тата юниорсем хушшинче Европа первенствипе чемпионат августăн 22–27-мĕшĕсенче иртет. Унта 20 çĕршыври 200 ытла спортсмен хутшăнĕ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии