09:20 05 августа 2013 г.
Ĕçлекен пенсионерсене августăн 1-мĕшĕнчен пенси виçине çĕнĕрен шутласа параççĕ. Хамăр районта ку ушкăна 1641 пенсионер (ĕç пенсине илекенсен 18 проценчĕ) лекет. Ÿсĕмĕн вăтам виçи 107,71 тенкĕпе танлашать.
Ватлăхпа, инвалидлăхпа тата çемьене тăрантаракана çухатнипе паракан пенсисене çĕнĕрен шутласси çулсерен августăн 1-мĕшĕнчен, юлашки шутлав хыççăн гражданинăн Пенси фондĕнчи счечĕ çине куçарнă страхлав тÿлевĕсене шута илсе, пулса пырать.
Кашни пенсионера хушса паракан укçа виçи тĕрлĕрен – пĕтĕмпех организаци Пенси фондне хывнă тÿлевсенчен килет. Гражданинăн пенсие çĕнĕрен шутлама ыйтса çырма кирлĕ мар.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии