10:33 29 июля 2013 г.
Иртнĕ эрнере Çĕрпÿ районĕнче çамрăк футболистсем «Урожай» обществăлла организацин парнисемшĕн «Золотой колосок» республика ăмăртăвĕнче тупăшнă. Вăрнарти «Химик-Августăн» 2000 çулта çуралнă ачасен команди унта пĕрремĕш, 1999 çулта çуралнисен команди иккĕмĕш вырăн йышăннă. Тренерĕ – Александр Борисович Строганов.
«Химик-Августăн» аслисен команди кăçал Чăваш ен чемпионачĕн кĕмĕл призерĕ пулса тăчĕ. Çĕнтерÿçĕпе – Шупашкарти «Динамопа» унăн пĕр пек – 25 – очко.
Çапах та вăрнарсен командин Чăваш ен Кубокĕнче хăйсене кăтартма шанăç пур. Çурма финалăн килти вăййинче вăл Йĕпреç командине 5:0 шутпа парăнтарма пултарчĕ. Хăнари вăйă июлĕн 30-мĕшĕнче иртмелле.
Унти çĕнтерÿ «Химик-Августа» 11 çул хушшинче 9-мĕш хут финала тухма май парĕ. Аса илтерме, çак тапхăрта вăл Чăваш Кубокĕн çичĕ хут çĕнтерÿçи пулса тăнă.
С.ЧИКМЯКОВА
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии