09:37 20 июля 2013 г.
Чăваш ен Пуçлăхĕ Михаил Игнатьев Пĕтĕм тĕнчери XXVII çуллахи Универсиадăна хутшăннă спортсменсемпе, вĕсен тренерĕсемпе, çавăн пекех судьясен корпусĕн представителĕсемпе тĕл пулнă. Вăл чăваш çамрăкĕсене ăнăçлă ăмăртнăшăн тав тунă, вĕсен çитĕнĕвĕсем ÿсекен ăрушăн тĕслĕх пулнине каланă. «Медальшĕн пыракан кĕрешÿ кăмăла çирĕплетет тата çĕнтерÿсем патне туртăнма хистет», – тенĕ вăл.
Спортсменсем те ентешсене хăйсемшĕн «чирленĕшĕн» тав тунă.
Аса илтерме, Универсиадăна Чăваш енрен çичĕ спортсменка хутшăннă, вĕсем тăхăр медаль çĕнсе илнĕ: икĕ ылтăн, тăватă кĕмĕл тата виçĕ бронза. Михаил Игнатьев вĕсене тата тренерсене пĕр хутчен паракан укçа премине илме тивĕçлĕ сертификатсем панă.
Пĕтĕмĕшле çĕнтерÿçĕ Раççей командин 292 медаль: 155 ылтăн, 75 кĕмĕл тата 62 пăхăр.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии