10:01 03 июля 2013 г.
Кăçал Раççейре чикĕ хуралне йĕркеленĕренпе 95 çул çитет. Çавна май июлĕн 6-мĕшĕнче пирĕн районта – «Ласточка» кану базинче – пуçласа республикăри пограничниксен турнирне йĕркелеме палăртнă. Ун йĕркипе волейбол, футбол, пăшалпа виçĕ енлĕ ăмăртас, дартс тата кире пуканĕ йăтассипе ăмăртусем иртмелле.
Турнир умĕн республикăри «Пограничниксен юлташлăхĕ» обществăлла организаци представителĕсем Вăрнарта пулчĕç, районта иртнĕ Олимп кунне хутшăнчĕç.
Çак кунах вĕсем пирĕн ентеше – Кив Сăрьел ялĕнче çуралса ÿснĕ Вениамин Степанова – общество ĕçне хастар хутшăннăшăн «Чикĕре службăра тăнăшăн» медальпе чысларĕç.
Вениамин Кузьмич 20 çул ытла Сахалинта пурăнать. Хăй вăхăтĕнче Китай чиккинче службăра тăнă, çар ветеринарĕ.
С.ЧИКМЯКОВА
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии