Новости » «Эпир пĕрле – Раççей»

08:57 11 июня 2013 г.

Çак ятпа июнĕн 12–14-мĕшĕсенче Шупашкарта халăх пултарулăхĕн Пĕтĕм Раççейри
фестивалĕ иртет. Унта Атăлçи тата Урал федераллă округĕсен 18 регионĕнчен илемлĕ
пултарулăх коллективĕсем – пурĕ 1000-е яхăн çын – хутшăнаççĕ. Фестиваль
кунĕсенче К.В.Иванов ячĕллĕ Чăваш академи драма театрĕнче пултарулăх
коллективĕсен концерчĕсем иртеççĕ, Чăваш патшалăх художество музейĕн хальхи ÿнер
Центрĕнче декораци-ĕçлев ÿнерĕн выставки ĕçлет. Жюри ĕçне М.Е.Пятницкий ячĕллĕ
патшалăх академи хорĕн ăсталăх ертÿçи А.А.Пермякова, Раççей Федерацийĕн
Художниксен пĕрлешĕвĕн председателĕн заместителĕ А.У.Греков ертсе пыраççĕ. Жюри
йышне Чăваш патшалăх академи симфони капеллин ăсталăх ертÿçине, Раççей халăх
артистне М.Н.Яклашкина кĕртнĕ.

Фестивале Раççей кунне уявланă май 2013 çулхи июнĕн 12-мĕшĕнче 12 сехетре
Шупашкарта Хĕрлĕ площадьре савăнăçлăн уçаççĕ.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии