Новости » Универсиада

09:33 05 июня 2013 г.

Пĕтĕм тĕнчери Универсиадăн тĕп символне Чăваш ен июнĕн 10-мĕшĕнче кĕтсе илет.
Çулăма Шупашкара Йошкар-Оларан ятарлă поездпа çитереççĕ, эстафета чукун çул
вокзалĕнче старт илет, Хĕрлĕ площадьре вĕçленет. Пĕтĕмĕшле дистанци – пилĕк
километра яхăн. Маршрут хулари аслă шкулсем витĕр выртать. Эстафетăна çулăм
йăтса пыракансем 40-ĕн тата 290 волонтер хутшăнаççĕ. Универсиада çулăмне йăтса
пыма аслă вĕренÿ заведенийĕсен чи маттур студенчĕсене тата преподавателĕсене
шанаççĕ. Хулари çулăм савăтне чĕртес церемони К.В.Иванов ячĕллĕ Чăваш патшалăх
академи драма театрĕ умĕнчи сцена çинче пулать. Уяв программи кунта 15 сехетре
пуçланать.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии