Новости » Хăнара – пушкăртсем

08:53 03 июня 2013 г.

Кĕçнерни кун Чăваш ен пушкăрт халăх элчисене йышăнчĕ. Тăванлă республикăн
Чăваш енри Культура кунĕсене уçма Пушкăрт Республикин Президенчĕ Рустэм Хамитов
та хутшăннă.

220 çынран тăракан пултарулăх ушкăнĕнче фольклор, этнографи коллективĕсем,
юрăçсем, писательсемпе художниксем. Чăваш патшалăх оперăпа балет театрĕнче
Пушкăрт Республикин искусство ăстисен пысăк концерчĕ пулнă. Кунтах сăн
ÿкерчĕксенчен хатĕрленĕ «Пушкăртстан – Еврази ахах-мерченĕ», çавăн пекех наци
музей фондĕнче упранакан япаласен куравĕсем уçăлнă. Чăваш наци библиотекинче
пушкăрт писателĕсем хамăр республикăри ĕçтешĕсемпе тĕл пулнă. Мустай Карим
ячĕллĕ çамрăксен театрĕ К.В.Иванов ячĕллĕ Чăваш патшалăх академи драма театрĕнче
хайĕн спектакльне кăтартнă.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии