10:00 22 мая 2013 г.
Район аграрийĕсенче уяр çанталăкăн кашни саманчĕпе туллин усă кураççĕ.
Çу уйăхĕн 21-мĕшĕ тĕлне тĕш тырăсемпе пăрçа йышши культурăсене 11701 гектар
акнă е плана 100 процент пурнăçланă. Çум курăкран, сиенлĕ хурт-кăпшанкăсенчен,
чир ересрен хÿтĕлес тĕллевпе 1060 гектар çинчи пулас тухăçа хими препарачĕсемпе
им-çамланă.
Районĕпе илсен кукуруза силос валли 423 гектар, вăрлăхлăх 552 гектар акнă.
Çĕр улми пуссинче иртен пуçласа каçченех хĕрÿ ĕç шавĕ тăрать. Çак вăхăта
«иккĕмĕш çăкăр» 613 гектар (33 процент) лартнă. «Мураты» кооперативра вăй
хуракансем пуринчен хастар ĕçленĕ. Çĕр улмине планпа палăртнă чухлĕ лартса
пĕтернĕ. Ĕç кăтартăвĕ – 270 гектар.
М.Тарасов фермер хуçалăхĕнче ирхи купăста пĕр гектар лартнă.
Е.ПОРФИРЬЕВА
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии