09:19 20 мая 2013 г.
Çак кунсенче республикăри шкулсенче аслă класра вĕренекенсемшĕн кăсăклă та
усăллă урок иртнĕ. Тетрадь-кĕнеке вырăнне вĕсем gosuslugi.ru интернет-страницăпа
усă курнă. Вĕрентекенĕ вара – ЧР информаци политикин министерствин специалисчĕ.
Уçă урокра патшалăх пулăшăвне электронлă майпа илме май пурри çинчен каласа
ăнлантарнă.
ЧР вĕрентÿ министрĕ Владимир Иванов пĕлÿ илнĕ чухне информаци технологийĕсем
çав тери пĕлтерĕшлĕ пулнине каланă. ЧР информаци политикин министрĕ Валентина
Андреева вĕренекенсене пĕрлехи порталпа усă курма, унта регистрациленме сĕннĕ.
Кайран вара ку енĕпе ашшĕ-амăшне, ватă çынсене пулăшма каланă.
Урок икĕ пайран тăнă: порталта регистрациленесси тата патшалăх пулăшăвне
электронлă майпа илесси. ЧР информаци политикин министерствинче ĕçлекен Ирина
Никонорова çамрăксене регистрациленмелли тата халăха ĕçпе тивĕçтерекен патшалăх
службин пулăшăвне электронлă майпа илмелли йĕркепе паллаштарнă.
Видеоконференци мелĕпе иртнĕ урока Чăваш енри пур шкул та хутшăннă. Хамăр
районта аслă классенче вĕренекенсем те видеоурока кăмăлласа итленĕ. Хăйсем валли
чылай çĕннине пĕлнине, ку пĕлÿпе малашне усă курассине пĕлтереççĕ вĕсем.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии