08:55 20 мая 2013 г.
Юнкун Чăваш ен Пуçлăхĕ Михаил Игнатьев Атăлçи федераллă округăн делегацийĕн
йышĕнче Китай Халăх Республикин Чанша хулинче пулнă, кунта хăш-пĕр компанисен
ĕçĕ-хĕлĕпе паллашнă.
Республика пуçлăхĕ строительство техникипе оборудованийĕ туса кăларакан
«Zoomlion Heavy Industry» предприятие çитсе курнă. Паллашу малалла нумай хутлă
çурт-йĕр хăпартакан «Sunword Intelligent Equipment» фирмăра тăсăлнă. Предприяти
ĕçре хваттер строительствин хакне чакарма май паракан технологисемпе усă курать.
Çапла майпа 75 тăваткал метр лаптăклă 3 пÿлĕмлĕ хваттерсене 1 тăваткал метршăн
33 пин тенкĕпе туянма пулать.
Михаил Игнатьев Китай производителĕсен технологийĕсем Чăваш енĕн
строительство организацийĕсемшĕн те усăллă пулассине пĕлтернĕ. Çав вăхăтрах
республикăн электротехника кластерĕн предприятийĕсен продукцийĕ Китайри
партнерсене кăсăклантарать.
Чанша хулинчи визит вăхăтĕнче çавăн пекех Атăлçи федераллă округăн делегацийĕ
Хунань провинцийĕн ертÿçисемпе тĕл пулнă.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии