15:21 15 мая 2013 г.
Пăртасри культура çуртĕнче 8–11 çулти хĕрачасем хушшинче «Пĕчĕк пике – 2013»
конкурс иртнĕ. Çак ятшăн 8 хĕрпĕрчи тупăшнă.
Конкурс вăхăтĕнче хĕрачасем хăйсемпе паллаштарнă, пултарулăхне уçса панă.
Чăваш тумĕсемпе тухса илемлĕ ташă кăтартнă, хăйсен пуканийĕсемпе паллаштарнă,
сăпка юрри юрланă, юмах каласа панă.
«Çепĕç пĕчĕк пике» номинацире Наташа Павлова палăрнă. Çарăклăра çуралнă Майя
Егоровăпа Оля Туйманкина «Сăпайлă пĕчĕк пике» тата «Чи хаваслă пĕчĕк пике»
ятсене тивĕçнĕ. Оля Аветисян та («Пултаруллă пĕчĕк пике»), Анжелика Иванова та
(«Чĕвĕл–чĕвĕл пĕчĕк пике») маттур. Чи çамрăк хĕрача Настя Матвеева – «Куракансем
кăмăлланă пĕчĕк пике». 1-мĕшпе 2-мĕш вырăнсене йышăннисене, София Захаровăпа
Даша Васильевăна, хĕрÿллĕн алă çупса кĕтсе илнĕ.
Çак конкурса ирттерме спонсорсем пулăшнă: Виталий Васильевич Николаев укçа
панă, Марина Борисовна Мокшина, Ольга Геннадьевна Галкина пĕчĕк парнесемпе
тивĕçтернĕ.
АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии