Новости » Тÿлевсĕр тавăрар

11:26 17 апреля 2013 г.

Апрелĕн 19-мĕшĕнче Пĕтĕм Раççейри культура акцийĕ йĕркипе районти тĕп
библиотекăра пĕрремĕш хут Библиокаç иртет. Çак кун вулакансем абонементпа тата
вулав залĕпе усă курнисĕр пуçне тĕрлĕ акцисемпе мероприятисене те хутшăнма
пултараççĕ.

Программа тăрăх, алăра вăрах тытакан кĕнекесене штрафсăрах тавăрса пама, 17
сехетрен пуçласа 21 сехетчен Интернетпа тÿлевсĕр усă курма пулать. 18 сехетре
библиотекарьсем вулакансене хаваслă вăййа, 18 сехет те 30 минутра аслă ăрăва тĕл
пулăва чĕнеççĕ. Çавăн пекех Библиокаç йĕркипе кăсăклă хыпарсен сехечĕ, «Угадай
мелодию» вăйă тата чей церемонийĕ пулĕç. Мĕнпур мероприяти тÿлевсĕр.

С.СВЕТЛОВА.

АУ «Редакция Вурнарской районной газеты «Çĕнтерÿ çулĕ» («Путь Победы») Мининформполитики Чувашии