00:00 16 января 2013 г.
Вăрнарти Пăр керменĕн строительство объектĕнче ĕçсем хĕрсех пыраççĕ. Строительсем халĕ фермăсене вырнаçтарассипе тимлеççĕ.
Аса илтерме, «Единая Россия» политика партийĕн социаллă проекчĕпе çĕкленекен катокăн пĕтĕмĕшле лаптăкĕ 1800 тăваткал метрпа танлашать. Куракансем валли 100 вырăнлăх трибуна пулĕ.
Катоксăр пуçне Пăр керменĕнче тренажер залĕ, ÿт-пĕве çирĕплетмелли пÿлĕмсем, тренер пÿлĕмĕсем, душ кабинисем, раздевалкăсем, медпункт, буфет вырнаçĕç.
Проектпа Пăр керменĕ кăçалхи декабрьте хута каймалла.