00:00 29 декабря 2012 г.
Вăхăт чуппине ниепле те тытса чараймăн – акă каллех тепĕр çулталăкпа сыв пуллашатпăр. 2012 çул хамăр район пурнăçĕнче те паллă йĕр хăварчĕ, ырă-лайăх улшăнусем чылай пулчĕç.
Районăн вĕçĕмсĕр кĕнеки – «Çĕнтерÿ çулĕ» хаçат – хăйĕн страницисенче Вăрнар тăрăхĕн пурнăçне, унăн çыннисен пархатарлă ĕçне-хĕлне, савăнăçĕпе хуйхи-суйхине яр-уççăн çутатса пырать. 2013 çула хаçат ĕçченĕсем лайăх кăмăл-туйăмпа кĕтсе илеççĕ. Акă Çĕнĕ çултан «Çĕнтерÿ çулĕ» 4 пин ытла экземплярпа тухса тăрĕ. Темиçе çул хушшинче хаçат тиражĕ икĕ хут ытла ÿсни вăл вулакансен кăмăлне тивĕçтернине, вĕсен çывăх тусĕ пулнине çирĕплетет. Хаçата çырăнса илекенсене пирĕнпе пулнăшăн чунтан-чĕререн тав тăватпăр. Çавăн пекех «Çĕнтерÿ çулĕ» хаçат иккĕмĕш çул харăс Раççейри сумлă конкурс çĕнтерÿçи пулса тăчĕ, «Прессăн ылтăн фончĕ – 2013» Палла тивĕçрĕ.
Район хаçачĕ вулаканăмăрсем валли тухса тăрать. Тĕрĕссипе, унăн содержанине пуянлатассишĕн общество корреспонденчĕсем – пирĕн шанчăклă туссем – тăрăшаççĕ. Вĕсем хаçата халăхпа çывăхрах пулма пулăшаççĕ. Акă вĕсем, хаçатăн чи çывăх тусĕсем: М.А.Васильев, В.А.Иванов (Вăрнар), В.И.Москвин (Мăн Явăш), Т.Н.Бондарь (Тĕмпек), О.М.Иванова (Австрийская) (Пăртас), В.Д.Скворцов, Г.К.Скворцов, В.Н.Кожанов (Мăньял Хапăс), И.П. Феофанова (Хирпуç), А.А.Алексеев (Хураçырма), В.П.Кузьмин, В.П.Кошкин, В.И.Иванов, Н.Васильева (Шупашкар), Титта Гришши (Омск), В.Н.Константинов (Куславкка), Е.Мустаева (Ульяновск), Я.А.Никифоров (полици уйрăмĕ), И.Г.Мифтахутдинов (район прокуратури), Л.Григорьева (Ярмушка), Г.Краснов (Шăхаль), В.Т.Дмитриева (2-мĕш вăтам шкул), И.Максимова (27-мĕш пушар чаçĕ), М.Демьянова (район тĕп больници), Калининăри шкул коллективĕ, тата ыттисем.
Эпир «Раççей Почтин» Вăрнарти почтамчĕн пуçлăхне Г.П.Никитина, çак коллектив ĕçченĕсене – çыхăну уйрăмĕсен ертÿçисене, почтальонсене, водительсене, çавăн пекех хаçатра Вăрнар чиркĕвĕн прихучĕн «Георгиевский листок» кăларăмне хатĕрлекен Александр аттене, «Çĕнтерÿ çулне» çырăнакансем хушшинче йĕркелекен парне вылявĕсен ырă кăмăллă спонсорĕсене – депутатсен районти Пухăвĕн депутачĕсене О.Г.Куликовăна, В.А.Тимофеева, Р.Ш.Киметова, В.Н.Ижелеев (Уйкас Кипек), И.М.Федоров (Вăрнар) фермерсене, «Санар» агрофирмăн генеральнăй директорне Р.И.Петрова, тырă йышăнакан предприяти директорне Я.М.Григорьева, Т.Н.Осиповăна («Агрокредит»), В.С.Михайлова («Вита»), Е.М.Анисимовăна (Вăрнар), Е.Г. Траковăна («Поддержка» компани), Ю.А.Воробьева («Росгосстрах»), çавăн пекех Ю.К.Иванов («Мила»), Н.З.Сергеев («Орион»), В.В.Рыжов, Е.А.Архипов («Рабица»), А.Авруйский, А.Г.Коновалов («Жилье»), О.Г.Папанян («Цветы»), С.И.Вишневский, Н.Т.Петров («Надежный») предпринимательсене чĕререн тав тăватпăр.
Пурне те Çĕнĕ 2013 çул тата Раштав уявĕсем ячĕпе ăшшăн саламласа ырлăх-сывлăх, телей, ăнăçу сунатпăр, район хаçачĕпе тытакан çыхăну малашне тата çирĕпленессе шанатпăр.