00:00 04 июля 2012 г.
Нумай çул тÿрĕ кăмăлпа ĕçленĕшĕн уяв тĕлне Калинино райповĕн Малтикас Ялтăрари лавкка сутуçине Людмила Андрианована, Çĕн Сăрьелти лавкка заведующине Антонина Петрована, райпо водительне Николай Николаева «Раççей потребительсен кооперацийĕнче тÿрĕ кăмăлпа ĕçленĕшĕн» паллăпа, суту-илÿ пайĕн пуçлăхне Светлана Матвеевана – Раççей Федерацийĕн Центросоюзĕн Хисеп грамотипе наградăланă.
Потребкоопераци тытăмĕнче нумай çул ырми-канми тăрăшнăшăн Çăкаллă Явăшри лавкка заведующийĕ Манефа Иванова тата «Çавал» столовăй буфетчици Зоя Каницова (20 çул), Мăн Элменти лавкка заведующийĕ Нина Иванова (25 çул), Тăвальушкăнь Ялтăрари лавкка заведующийĕ Галина Куракова (30 çул) ятарлă паллăна тивĕçнĕ.
Калинино салинчи апат-çимĕç лавккин сутуçине Наталия Романована «Раççей коопераци юхăмĕн çамрăк лидерĕ» паллăпа чысланă.
Чăвашпотребсоюзĕн Хисеп грамотисене тивĕçнисем пиллĕкĕн: алкогольсĕр напитоксен цехĕн ĕçченĕ Валентина Кузьмина, Кĕçĕн Кипекри лавкка заведующийĕ Любовь Иванова тата сутуçи Алевтина Фадеева, «Закусочное» ертÿçи Лариса Антонова тата «Нурăс» гастроном уборщици Фаина Скворцова.
«Çавал» столовăйĕн поварне Любовь Волкована «Раççей потребительсен кооперацийĕн ветеранĕ», Ярмушкари лавкка заведующине Васелисса Мышинана «Чăваш Республикин потребительсен кооперацийĕн ветеранĕ» хисеплĕ ятсене панă.
Калинино райповĕн тĕп бухгалтерне Наташа Убакована Чăвашпотребсоюзĕн Хисеп хăми çине кĕртнĕ. Надежда Кузьмина бухгалтер Тава тивĕçнĕ.