00:00 01 февраля 2012 г.
Виçĕм кун район администрацийĕнче Чăваш Республикин Пуçлăхĕн стипендиачĕсене савăнăçлă лару-тăрура чысларĕç. Пирĕн районтан вĕренÿри, ĕçри творчествăлла ăнтăлушăн патшалăх хавхалантарăвне 20-ĕн тивĕçнĕ.
Свидетельствăсемпе чысланă май, район администрацийĕн пуçлăхĕ Леонид Николаев çамрăксене пурнăçра яланах хастар пулма, пысăкрах çитĕнÿсем патне туртăнма ăнăçу сунчĕ. Вĕрентÿпе çамрăксен политикин пайĕн пуçлăхĕ Николай Иванов стипендиатсем ыттисемшĕн ырă тĕслĕх пулнине, вĕсен йышĕ районта çулсеренех ÿссе пынине палăртрĕ.