00:00 24 октября 2011 г.
Михаил Игнатьев Президент ЧР Патшалăх Канашне тата халăх патне çулсерен яракан Çырăва хатĕрлеме пуçланă. Пысăк пĕлтерĕшлĕ çак документра вăл правительствăн, парламентăн, вырăнти хăй тытăмлăх органĕсен, предприятисемпе организацисен ĕçĕн кĕске тата нумай вăхăтлăх стратегийĕн программине йĕркелеме çитĕнÿсемпе пĕрлех çивĕч ыйтусене те уçăмлăн палăртрĕ. Çырăва хатĕрленĕ чухне республика пуçлăхĕ Чăваш ен халăхĕн, общество организацийĕсен, граждан обществин ытти институчĕн шухăш-кăмăлне те шута илĕ.
Çынсен пурнăç шайне ÿстерес тесен пирĕн пĕрле мĕнле тĕллевсем палăртмалла; Чăваш ен Президенчĕн мĕнле темăсене тĕплĕнрех тишкермелле; 2012 çулхи Çырăва эсир мĕн кĕртме сĕнетĕр; Сирĕн шухăшăрпа – пурнăçа мĕн лайăхрах, хăтлăрах, меллĕрех тăвĕ; Сĕнĕвĕрсене çак адреспа йышăнаççĕ: Шупашкар хули, Президент бульварĕ, 10-мĕш çурт; e-mail: analut2@cap.ru. «Çырăва хатĕрлеме» тесе палăртмалла. Тел.: 39-35-73, 39-35-75.