00:00 28 сентября 2011 г.
Вырсарни кун, октябрĕн 2-мĕшĕнче, Вăрнарти «Химик» стадионта Чăваш Республикин чемпионачĕн аслă дивизионри футбол вăййисен финалĕ иртет. «Химик-Август» унта Йĕпреçри футбол клубĕн командипе тĕл пулать
Вăрнарсем ку чемпионатра 2003 тата 2005 çулсенче чемпионсем пулнăччĕ, 2006, 2007 тата 2010 çулсенче – кĕмĕл призерсем.
Кăçалхи сезонра та «Химик-Август» ăнăçлă вылярĕ. Икĕ çулхи тăхтав хыççăн Чăваш ен Кубокне тавăрма пултарчĕ. Унччен маларах вара Кубока пилĕк çул харăс выляса илсе яланлăх хăйĕн аллинче хăварма пултарчĕ.
Чăваш ен чемпионатĕнче хальлĕхе унăн чи нумай очко – 37. Пĕлтĕрхи çĕнтерÿçĕсен – «Ибреси» футбол клубĕн – пĕр очко сахалтарах. Финал çивĕч иртесси куçкĕрет, çавăнпа та ентешĕмĕрсен хамăр футболистсене хавхалантарма пырсан тем пекехчĕ. Татса паракан вăйă 14 сехетре пуçланать. Пурте стадиона çитер – «Химик-Августшăн» «чирлер»!