00:00 26 сентября 2011 г.
Вăрнарти Олесьăпа Алексей Варламовсем тата вĕсен Андрей, Валентин, Иван ывăлĕсем, Дианăпа Лиза хĕрĕсем çĕнĕ кĕтесе куçассине чăтăмсăррăн кĕтеççĕ. Хальлĕхе вĕсем кил хуçин амăшĕн килĕнче пурăнаççĕ
Çĕнĕ çурт вырăнĕнче – Комсомольски тата Ж.Илюкин урамĕсем хĕресленнĕ вырăнта – строительство ĕçĕсем хĕрсе пыраççĕ. Мансардăллă çуртăн пĕтĕмĕшле лаптăкĕ 222 тăваткал метрпа танлашĕ. Çемье пуçĕ, суд приставĕсен Вăрнар районĕнчи уйрăмĕнче вăй хураканскер, ку лаптăк вĕсене ирĕклĕн «сывласа» яма пулăшнине палăртать.
Çемье çурт-йĕр условийĕсене лайăхлатас программăна виçĕ çул каялла кĕнĕ. Чăваш Республикин çурт-йĕр хутшăнăвĕсене йĕркелес саккунпа килĕшÿллĕн вĕсене 2 миллион та 834 пин те 800 тенкĕ уйăрса панă.