00:00 06 июля 2011 г.
Районтан тухнă паллă спортсменка Екатерина Горбунова çитес эрнере Раççей чысне Европа первенствинче хÿтĕлĕ
Çак чыса çăмăл атлетка çамрăксем хушшинче иртнĕ Раççей первенствинче чаплă результатпа çĕнсе илнĕ. Мускав облаçĕнчи Еринори турнирта вăл Чăваш Республикишĕн тата Чулхула облаçĕшĕн чупнă. 1500 тата 5000 метрлă дистанцисене çиçĕмле хăвăртлăхпа вĕçлесе ылтăн медальсене тивĕçнĕ.
Раççей, Европа первенствисен нумай хутчен çĕнтерÿçин, тĕнче ăмăртăвĕсен призерĕн ку чупури вăрăм дистанцири кăтартăвĕ уйрăмах чаплă – 5 километрта вăл тĕнче класлă Раççей спорт мастерĕн нормативне тултарнă, дистанцие 15.19,94 результатпа вĕçленĕ!
Çĕрпел хĕрне Европа первенствине хутшăнма Раççейĕн пĕрлештернĕ команди йышне илнĕ. Ăмăрту июлĕн 14–17-мĕшĕсенче Чехири Острава хулинче пулать.
Раççей первенствинче чăвашсен тепĕр чупуçи Марина Петрова та 10 километрта ылтăн призер пулса тăнă, Евгения Смирнова йĕтре тĕкессипе виççĕмĕш вырăн йышăннă.
С.ЧИКМЯКОВА.