00:00 06 июля 2011 г.
Вăрнарти 29-мĕш училищĕри Елена Артемьевна Михайлова «Раççейĕн пултаруллă çыннисем» энциклопедие вĕрентÿри кăтартуллă ĕçшĕн кĕме тивĕçнĕ
Елена Артемьевнан кăкăрне халĕ çавăн пекех вĕрентÿ, методика тата воспитани ĕçĕнчи курăмлă ĕçсемшĕн паракан çĕршывăн пысăк награди – «Вĕрентÿ аталанăвне тÿпе хывнăшăн» медаль те илемлетет.
Елена Артемьевна училищĕре 35 çул тимлет. Унччен ултă çул Малти Ишекри тата Çĕрпелти шкулсенче химипе биологи предмечĕсене вĕрентнĕ.
Вĕренекенĕсем юратнă преподавателĕ пекех пултаруллă, вĕсен ячĕсене çулсеренех республикăри конкурс-олимпиадăсен çĕнтерÿçисен йышĕнче курма пулать. Ун урокĕсенче кашни çамрăк «ĕçлĕ». Вĕсене ирттерессине çĕнĕ формăсем кĕртсе пыни çакăн пек результат çĕнсе илме май панă та. Елена Артемьевнан вĕрентĕве ачасен аталанăвне кура йĕркелес мелне те ырламалла. Ахальтен мар ĕнтĕ унăн ĕç опычĕ тăрăх брошюра та кăларнă, унпа ытти училищĕсенче те анлă усă кураççĕ.
Мал опытлă ĕçне пĕрре мар сумлă грамотăсемпе палăртнă. Чăваш АССРĕн тава тивĕçлĕ учителĕ, ятне «Чăваш Республикин профессилле вĕрентĕвĕн тава тивĕçлĕ ĕçченĕсем тата ордена тивĕçнисем» кĕнекене тата Вăрнар район энциклопедине кĕртнĕ.
С.ЧИКМЯКОВА.