05 июля 2017 г.
ЭКО федераллă программа ача çуратайман нумай çемьешĕн юлашки çулсенче чăн-чăн çăлăнăç пулса тăчĕ. Çак процедурăн хакĕ тÿлевлĕ клиникăсенче самаях пысăк, çавăнпа та ачаллă пулас текен кашни çемьех унпа усă кураймасть.
Халĕ акă патшалăх программи пиншер çемьене телей кÿме пултарать. Экстракорпораллă пĕтĕленÿ (ЭКО) валли пысăк укçа уйăрнă. Республикăра 2000 çемье, пирĕн районти 32 çемье ку пулăшăва тÿлевсĕр илме пултарать. Çакăн валли тухтăр патĕнче кирлĕ тĕрĕслевсем витĕр тухмалла.
Çулталăк пуçланнăранпа район тĕп больницин хĕрарăмсен консультацине ача пулманни пирки 50-а яхăн хĕрарăм килнĕ. Ача çуратас текен ытти хĕрарăмсен те шанăçпа усă курмалла. Результат майлă пултăр тесен чăтăмлăхпа тимлĕх кирлĕ.
Ильзита ИВАНОВА,
район тĕп больницин акушер-гинекологĕ.