14 февраля 2014 г.
Мăн Явăш ял тăрăхĕнче çĕнĕ çулта мĕнле пурăнаççĕ; Хуçалăха тĕреклетес, ялсен сăн-сăпатне çĕнетес, çемьесенче тăнăç пурнăç йĕркелес енĕпе пуçарусем пур-и;
«Мураты» ял хуçалăх коопертивĕнчи выльăх-чĕрлĕх ĕрчетекенсем пĕлтĕрхинчен чакасшăн мар. Кăçал тата ÿсĕмлĕрех ĕçлеме тĕллев тытрĕç. Иртнĕ çулта дояркăсем кашни ĕнерен 5740 килограмм сĕт сунă. Ку вăл – районти чи пысăк кăтарту. Хуçалăх пĕлтĕр выльăх йышне те ÿстерчĕ, мăйракаллă шултра выльăхсен шутне 266 пуçа çитерчĕ, çав хисепре сăвакан ĕнесем – 75.
Хăйсен ĕçченлĕхĕпе, тăрăшулăхĕпе, яваплăхĕпе палăрнă дояркăсем çĕнĕ çулăн малтанхи кунĕнчен тытăнсах ÿсĕм хыççăн ÿсĕм тăваççĕ. Талăкра кашни ĕнерен 14 килограмм сĕт сăваççĕ. Кулленхи ÿсĕмре Ирина Сергеева, Людмила Федотова, Оксана Маркова дояркăсен тÿпи сумлă. Сĕт-çу фермин çĕнтерÿçисене кăçал та пĕлтĕрхи хĕрÿлĕхпе, иксĕлми хастарлăхпа, çирĕппĕн утма ăнăçу сунар.