Публикации » Сивĕ те хăратмасть

04 февраля 2014 г.

Çанталăк кăçал улшăнуллă. Раштав уйăхĕ çуркуннехи пек ăшă тăчĕ, кăрлач вара тинех сивĕ илсе килчĕ.

Нурăс шкулĕнче вĕренекенсене спортпа туслă пулма сивĕ те хăратмасть. Хĕлле вĕсем конькипе тата йĕлтĕрпе ярăнма юратаççĕ. Нумаях пулмасть эпир ачасемпе пĕрле Вăрнарти «Химик» стадионри каток çине çитсе куртăмăр. Кунта вăхăта кăмăллă та савăнăçлă ирттерме пĕтĕм майсем туса панă. Катока пăхса-асăрхаса тăракан çынсем ырă кăмăллă та вашават. Конькипе ярăнма илемлĕ музыка пулăшать. Хальхи вăхăтра спорт, сывă пурнăç йĕркин ыйтăвĕсене пысăк тимлĕхе хураççĕ. Тен, паянхи ачасенчен те олимп чемпионĕсем пулма пултараĕç.

В.РОМАНОВ,

7 «б» класс ертÿçи.