29 января 2014 г.
Хаçатăн иртнĕ номерĕнче кăна-ха Хирпуçĕнче вут-çулăмран тухнă инкекре 76-ри кинеми наркăмăшланса вилни çинчен пĕлтернĕччĕ. Кĕске вăхăтрах тепĕр çакăн евĕрлех инкек пулса иртнĕ. Хальхинче – Уйкас Кипек ялĕнче. Каллех 84-ри ватă сĕрĕмпе наркăмăшланнă, ку хутĕнче те çулăм кăмакаран тухнă.
Тĕрĕссипе, Уйкас Кипекри инкек пĕтĕмпех Хирпуçĕнчипе пĕр килет. Сăлтавĕ те пĕрех. Кунта та çуртра 1–2 тăваткал метр урай хăмисĕр пуçне нимĕн те çунман. Асăрхав ĕçĕ-хĕлĕн районти уйрăмĕн дознавателĕ Ю.Иванов ăнлантарнă тăрăх, кăмакапа урай хушшине нимле çунман материалпа та уйăрман, ăна купалама пуçланă чух никĕсне тимĕр листи те пулин хурса хăварман. Кăмака кивелсе юрăхсăра тухнă пирки шăтăк-çурăксенчен шалтан урайне çулăм тивсе илнĕ. Тăнсăр выртакан кинемие, юрать, ун патне каçнă кÿршисем вăхăтра асăрханă, медицина пулăшăвĕ чĕнме ĕлкĕрнĕ.
И.ПЕТРОВА.