20 января 2014 г.
Раççей Правительствин хушăвĕпе 2016–2020 çулсенчи тапхăрта физкультурăпа спорта аталантарас тĕллевлĕ программăн концепцине çирĕплетнĕ, ăна пурнăçлама 73,98 миллиард тенкĕ уйăрма палăртнă.
Программăпа массăллă спорт тĕсĕсене аталантаракан сахал бюджетлă 352 объект çĕклеме палăртнă. Çавăн пекех Олимп вăййисен тата Паралимп вăййисен программине кĕрекен мĕнпур тĕспе Раççейĕн пĕрлештернĕ командисем валли вĕренÿпе тренировка центрĕсем пулĕç.
Программа тĕпрен илсен 2020 çул тĕлне халăхăн пысăк пайне физкультурăпа тата спортпа туслаштарас тĕллевлĕ. Ун йĕркипе пулакан инфраструктура вара тăнăçлă резерв хатĕрлеме май парĕ.
Чăваш енре хальхи вăхăтри инфраструктура сетьне аталантарасси малалла пырать. Çывăх çулсенче çĕнĕ спорт сооруженийĕсем çĕклеме, пуррисене модернизацилеме палăртнă. Объектсенчен чи пысăкки – биатлон тата сăнăран перессипе Олимп вăййисен хатĕрленĕвĕн регионти центрĕ. Ăна çĕклеме кăçал пуçăнмалла.