00:00 01 апреля 2008 г.
Шупашкарта иртекен XXIII Тĕнче кубокне хутшăнма заявка паракансен йышĕ ÿссех пырать. ЧР Спорт министерствинчен пĕлтернĕ тăрăх, паянхи куна пысăк ăмăртăва 55 çĕршыв çынни килме кăмăл тунă. Раççейрен (31 çын), Италирен (31), Мексикăран (30), Испанирен (30), Францирен (29), Польшăран (28) йышлă делегаци çитмелле. Арçын спортсменсенчен (109-ăн) ытларах 20 километрлă дистанцие утса тухма кăмăл тунă. Юниорсен ăмăртăвне 61 юниор тата 51 юниорка тухма хатĕр.
Кăçал Тĕнче кубокне Инди, Монголи, Гана, Молдова, Перу, Палестина, Марокко, Таджикистан çĕршывĕсем пĕрремĕш хут хутшăнĕç.